قصيدة للام

موضوع: قصيدة للام الجمعة ديسمبر 24, 2010 7:48 am

سيدة وقورة تقبع في احد مستشفيات السعودية تعيش عزلة وألما يعرفها كل من في المستشفى ويتعطفون معها 0 وكثيرا ما يجلس معها الممرضات ، يحثونها ويستأنسون بكلامها، وكانت تروح عن نفسها ببعض الابيات والتي انتشرت عند البعض واليكم ما قالته في قصيدتها

تكفين ياطيور احرار افزعيلي** ابي عن ديار الاهل منك اخبار
تكفين حومي فوقهم وارجعي لي** وذا حصل لك حومة داخل الدار
تكفين حول بيوتهم دوري لي ** سبعةفروخ يوم اخليهم اصغار
شوفي ضناي وعودي وتكفي لي ** وشلونهم يا علهم صاروا كبار
نسوا دفاي ونومهم في شليلي ** وش علمهم يعلهم طول الاعمار
قولي لهم ان امكم له عويلي ** خمسة اسنين دمعها دوم مدرار
وقولي لهم اني على طول ليلي** انوح ولي قرب الصبح انهار
وقولي عيونه دايم له هميلي ** تبيكي لياشافت من الناس زوار
كل يوما اقول اغدي حديهم يجي لي ** راحت سنيني مابهم واحد زار
وانا اللي من سبة سوات الحليلي ** كني على شوفتهم اصلي على نار
يا عونة الله من يبي يرتكي لي ** وانا لي سنين ابي لو هي اخبار
تنكروا من يدخلون الدخيلي ** جارت علي بامر الولي كل الاقدار
قولي لهم يا طيور قلبي عليلي** واللي بوسط ديارهم يأمن الجار
وانا اللي لبرق الخيال استخيلي** الله يكافي قلوبهم صارت احجار
تكفين وسط اديارهم صوتي لي ** واقول يا عل(0000) للامطار
وقولي لمن نسيانهم يستحيلي ** شوفي عسى لاسمي مع الناس تذكار
ياهيه ياللي بالسماء لك هديلي **ياللي نسيتوها ترى الوقت دوار
شوفي اكا اللي نومهم في شليلي ** ردي خبر تكفين يكفيني امرار
شوفي اكا اللي ما اهتني في مقيلي ** من اذان المغرب الى وقت الاسحار
وقولي لهم ان كان حملي ثقيلي** ياعلني في جنته وسط ابرار
اتمنى ان هذه الابيات اعجبتكم وايقضت ضمائر من ينكر فضل الام 00 وما تقدمه من تضحيات 0

وتقبلوا تحياتي

» قصيدة شعرية ابكت الرسول صلي الله عليه وسلم
» قصدة القدس القدس لحامد زيد اروع قصيدة